Programa 180 Venres de Ciencia-3 (20/10/23)

Coñecedes a Pau? É o nome coloquial que os seus descubridores deron ao exemplar de Pierolapithecus catalaunicus descuberto no 2002 en Catalunya, do que agora se reconstruíu o cranio. Esta é a nosa primeira noticia de hoxe. A seguinte lévanos da terra ao ceo para falar da aurora boreal que foi visible na península o 25 de abril, aínda que a chuvia nos impediu desfrutar dela en Galicia. A continuación, a sección Artemis lévanos aínda máis lonxe, para poñernos ao día a investigación espacial. E, para rematar non abandonamos o espazo, porque a muller científica de hoxe foi unha astrónoma, Caroline Herschel, ademais de matemática e cantante de ópera. Un programa para non perder! 

 

 

 

Programa 179. Auga Random-1 (19/10/23)

Volve unha nova tempada de Auga Random. Hoxe aínda non tivemos sección do tempo nin do deportes, pero si falamos de como nos foi o principio de curso e dos concursos de samaín. 

 

 

Programa 178. Auga Novas-3 (18/10/23)

Hoxe faláronnos sobre razas de cans, mangas e cousas frikis e series de anime.  

 

 

Programa 177. Venres de Ciencia-2 (13/10/23)

A actualidade relacionada coa ciencia no primeiro tramo do programa, co cambio climático e a busca de vida extraterrestre como protagonistas. Non abandonamos o espazo na sección Artemis e, finalmente, na última sección coñeceremos a Hertha Ayrton, nacida Phoebe Sarah Marks. 

 

 

Programa 176. Auga Novas-2 (10/10/23)

 Hoxe falamos das excursións e das novas do instituto.

  

Programa 175. Venres de Ciencia-1 (06/10/23)

 Volve a ciencia á programación dos venres de Auga Radio. O programa contará cada semana con tres seccións. Nunha primeira faremos un repaso das noticias científicas destacadas da semana, da man do alumnado de 1º de ESO (un novo par de parellas cada semana). A continuación, volve Diego para manternos ao tanto das novidades relacionadas coa misión Artemis e a investigación espacial en xeral. Para pechar o programa, Noemí presentaranos cada venres a unha nova "Muller de Ciencia". Agardamos que desfrutedes e aprendades moito e desculpade os problemas técnicos destes primeiros programas, porque aínda estamos retomando a actividade!

 

Programa 174. Auga Novas-1 (04/10/23)

Auga Novas está de volta, con toda a actulidade sobre xogos, programas e series e a incorporación dunha nova sección sobre razas caninas. Non o podedes perder!

 

NOVA TEMPADA AUGA RADIO 23/24