No IES Pedra da Auga non nos esquecemos de que o día 23 foi o Día de Rosalía. Nós decidimos dedicarlle a semana completa e preparar un programa no que lle facemos unha entrevista para coñecela un pouquiño máis. Escoitade ata o final da entrevista porque... hai sorpresa!
Parabéns ao alumnado de 3º ESO e á súa profe Charo polo traballazo!
Escóitanos aquí:
A nosa Auga Radio está dándose a coñecer dunha forma imparable! Para celebrar o día mundial da radio fomos convidados a acudir aos estudios de Onda Raia (do IES Pedras Rubias, en Salceda), onde tiveron unha mañá enteira de radio:
Puidemos explicar os programas que estamos realizando dende os nosos estudios da Auga Radio e emitimos un programa de ¨A noticia científica da semana¨ completo.
Queremos darlle as grazas pola invitación e por tratarnos tan ben a todo o equipo de Onda Raia!
Escóitanos aquí:
Esta semana Noelia, Javier e Kingsley veñen cargadiños de recomendacións literarias. Se estás buscando unha nova lectura este é o teu programa. Escóitanos!
Escóitanos aquí:
E volvemos co noso programa máis musical. Queres saber que dedicatorias se fixeron este martes, 15 de febreiro? Escóitanos!
Hoxe na Auga Radio celebramos o Día Internacional da Muller e a Nena na Ciencia por todo o alto.
En primeiro lugar, a nosa locutora Judit Rodríguez (2º Bacharelato) dialogou con tres científicas. Estas foron Iria Seoane (matemática e deseñadora de robots para cirurxías por laparoscopia), Marta Sánchez (oceanógrafa e investigadora en Australia) e Romina Álvarez (bióloga e secretaria da Asociación Ibérica de Limnoloxía). Dende aquí queremos agradecerlles que se prestasen a dialogar con nós na Auga Radio. Aprendemos e reflexionamos moitísimo con elas!
Grazas a Marta Álvarez (profesora de Bioloxía) e a Susana Iglesias (profesora de Matemáticas) por organizar o evento.
Podedes escoitar o programa aquí:
Pero non acabou aquí a cousa. Que mellor que celebrar o Día Internacional da Muller e a Nena na Ciencia cun novo programa de... ¨A noticia científica da semana¨!
Escoitádeo aquí:
Esta semana foron moitas as cancións que nos pediron no programa ¨Para ti de xa sabes quen¨. Ti tamén podes dedicar a túa canción escribindo ao número 608122336.
Regresamos coa ¨Noticia científica da semana¨, que desta volta vén cargada de información: falamos de impactos de meteoritos, da contaminación do aire e dunha molécula bastante interesante.
Escóitanos aquí:
Continuamos co noso programa ¨Para ti de xa sabes quen¨, un espazo de dedicatorias musicais. Non te esquezas de pedir a túa canción ao número 608122336.
Nas noticias de hoxe: relación entre estrés e Alzheimer e as novas imaxes tmadas do buraco negro que ocupa o centro da Vía Láctea. A continu...
