PROGRAMACIÓN AUGARADIO SEMANA 27 FEBREIRO A 03 DE MARZO

 

Programa 122. A Noticia Científica da Semana-16 (24/02/23)

O terremoto de Siria e Turquía volve ás noticias. No espazo Artemis novidades da propia misión, da estación espacial internacional (EEI) e sobre ocomportamento do sol. E para rematar, na sección de mulleres científicas, viaxamos dende a Alexandría de comezos da nosa era, para coñecer a Hipatia, ata a actualidade, con Jane Goodall.  

 

 

Programa 121. Especial Día de Rosalía (23/02/23)

Hoxe tivemos un programa especial por mor do día de Rosalía. Puidemos desfrutar da presenza de alumna/os e a profesores recitando poemas.

DÍA MUNDIAL DA RADIO

O día 13 de febreiro Auga Radio participou da emisión en continuo organizada por Ponte nas Ondas para celebrar o Día Mundial da Radio.

 

Aquí tendes o enlace onde poderedes escoitar o noso programa e os dos demais centros participantes

http://escolasnasondas.com/dmr2023-portada/#1675871988065-063acf4a-cb3b

Programa 120. A Noticia Científica da Semana-15 (17/02/23)

Hoxe na noticia científica temos a Roi, Javier e Eloy,  que nos contan unhas cousas moi interesantes,. Queredes sabelo? Quedade escoitarnos!

Despois temos a sección de Mulleres na Ciencia con Ruy e Noemí  que nos falarán sobre Christiane Nüsslein-Volhard e Inge Lehmann.

E por último Diego, que na sección Artemis nos porá ao tanto dunha fuga na Estación Espacial Internacional e as novidades relacionadas co James Webb. Tamén teremos un comentario sobre o tema de actualidade: os globos  que sobrevoan os USA.

Programa 119. Augarandom-10 (16/02/23)

Hoxe estamos un día máis no Augarandom, no día previo ao entroido do instituto con máis noticias do centro. 

 

 

Programa 118. Auganovas-13 (15/02/23)

Hoxe as nosas compañeiras de Auga Novas estiveron falando do entroido no instituto e os disfraces tan orixinais que elixiron. 

 

 

Programa 117. Especial Día da Muller e a Nena na Ciencia (14/02/23)

Alteramos a nosa programación habitual para ofrecervos esta entrevista coa investigadora Sara Varela González, que visitou o noso centro co gaio do día da muller e a nena na ciencia, celebrado o pasado 11 de febreiro.

 

 

PROGRAMACIÓN AUGARADIO SEMANA13 - 17 FEBREIRO

 

Programa 116. A Noticia Científica da Semana-14 (10/02/23)

Comezamos hoxe coa controvertida noticia sobre o posible cambio de sentido de xiro do núcleo da Terra. Viaxamos despois ata Marte e Saturno e rematamos descubrindo a figura da palentóloga Mary Anning, unha das Mulleres de Ciencia invisibilizadas na historia. 

Programa 115. Espazo Podcast: Ponte no meu lugar (08/02/23)

Hoxe puidemos escoitar completo este interesante podcast sobre o acoso que comezaramos a emitir o pasado mércores. 

Programa 114. Para Ti De Xa Sabes Quen-14 (07/02/23)

 Hoxe un día máis do para ti de xa sabes quen, temos unhas dedicatorias especiais.

 

 

PROGRAMACIÓN AUGARADIO SEMANA 06 - 10 FEBREIRO

Programa 113. A Noticia Científica da Semana-13 (03/02/23)

No apartado das noticias científicas, viaxamos dende os confíns do Universo, ás serras da Caniza. A continuación un par de apuntamentos relacionados, aínda que non o pareza, coa misión Artemis (sección que estrea música de cabeceira) e, para rematar, a nosa selección de mulleres de ciencia con Christiane Nüsslein-Volhard (bióloga) e Cecilia Payne (astrónoma). 

 

 

Programa 112. Augarandom-9 (02/02/23)

Deportes, información meteorolóxica, saídas didácticas e ata o anuncio dun reto no que está implicada toda a radio. Todo isto nun programa que non podes deixar de escoitar!

Programa 111. Espazo Podcast: Ponte no meu lugar (01/02/23)

No Espazo Podcast, hoxe temos un programa realizado polo alumnado de 3º de ESO, da materia de Proxecto Competencial, sobre o acoso. A emisión do programa non se puido completar antes de que finalIzase o recreo, polo que repetiremos a súa emisión o vindeiro mércores. 

 

 

Programa 110. Auganovas-12 (01/02/23)

Comezamos o mes de febreiro, mes de Rosalía, precisamente recitando un dos seus poemas. Continuamos coas tres mellizas na sección de debuxos e pechamos o programa cun debate sobre a celebración do día de San Valentín. 

Programa 109. Para Ti De Xa Sabes Quen-13 (31/01/23)

Hoxe en Para Ti De Xa Sabes Quen non tivemos ningunha dedicatoria, pero recordámosvos que podedes enviar as vosas dedicatorias ao 608 12 23 36.