Musiké: A arte das musas

Desde a Augateca queremos convidarvos a participar na iniciativa Musiké que da comezo este curso. Todos os xoves no recreo terán lugar recitais poéticos coas vosas propias creacións ou poemas. Só tedes que mandar as vosas propostas ao enderezo electrónico da Augateca cunha semana de antelación, e teredes sempre dispoñible o micrófono aberto para que os demáis desfrutemos da vosa arte. Dentro do programa Musiké, e atendendo ao concepto orixinal do termo, os últimos xoves de cada mes teremos recitais nos que combinaremos poesía, música, danza e outras artes performativas. En colaboración cos departamentos de Música e de Plástica, crearemos composicións orixinais que acompañarán ás vosas voces. Animádevos!

Comezo do curso na Augateca

Comezamos este curso 2022-2023 coa a Augateca a toda máquina! Queremos darvos a benvida recalcando que a Augateca é a espiña dorsal do noso instituto. Como en todas as bibliotecas, aquí atoparedes os recursos necesarios para a vosa aprendizaxe, pero ademáis, somos un espazo de creatividade, lecer e compañeirismo. Agardamos que saquedes proveito de todas as actividades que realizamos e que tod@s colaboredes para que a Augateca continúe sendo o sitio no que estar!

Programa 58. Despedida do curso (22/6/2022)

 Días especiais coma este hai ben poucos. No programa de hoxe a nosa locutora Uxia (á que imos botar tantísimo de menos, que tan bos programas fixo e á que lle dicimos que veña de visita sempre que queira) fixo un repaso do que foi a nosa Auga Radio este curso. Houbo tempo tamén para unha merecida merenda, para bágoas e despedidas. Foi un ano marabilloso.

Escoitámonos o curso que vén na Auga Radio!

Programa 57. Colectivo LGTBIQ+ (17/6/2022)

 Hoxe tivemos un programa máis que necesario. É importante que todo o mundo coñeza ben a realidade do colectivo LGTBIQ+ e por iso a rapazada do noso instituto organizou unhas charlas co acompañamento de Xosé Lois, o seu profesor de Xeografía e Historia. Non podiamos deixar pasar a oportunidade de darlles voz tamén dende a nosa radio. 

 

Escoitádenos:

Programa 56. Auganovas (15/6/2022)

 E continuamos cos ¨ata o curso que vén¨. Desta volta tocoulle ao noso programa máis tolo, guiado pola rapazada de 2º ESO... o noso ¨Auganovas¨, que tanto éxito está acadando!

 

 

Escóitanos aquí: 

 

Programa 55. Para ti de xa sabes quen (13/6/2022)

E chega o final do noso marabilloso programa de dedicatorias ¨Para ti de xa sabes quen¨, con Victoria e Uxia como locutoras. O ano que vén agardamos que sigades dedicando as vosas cancións favoritas!

 

 

Programa 54. A noticia científica da semana (10/6/2022)

 

 Hoxe emitimos un dos programas máis especiais do curso... o último programa científico. Por suposto, non o podes perder. O ano que vén seguimos con moitas ganas!

 

 

Grazas a todos e a todas por escoitarnos!